მოგესალმებით 2022 წლის ახალგაზრდა სტომატოლოგთა საერთაშორისო ფორუმის მონაწილეებს, სტუდენტებსა და რეზიდენტებს .
მეცნიერული კვლევებიდან, ასევე ჩემი პრაქტიკიდან გამომდინარე, სამეცნიერო აქტივობებში სტუდენტთა და რეზიდენტთა ჩართვა ერთ-ერთი ძირითადი, წამყვანი აქტივობაა, რაც ახალგაზრდების განვითარებასა და მათ პროგრესულ აზროვნებას ხელს უწყობს.
პირადად მე ,სტუდენტობის პერიოდიდანვე მონაწილეობას ვღებულობ სტუდენტთა სამეცნიერო და საერთაშორისო კონფერენციებში, ხოლო როდესაც რადიქსის ახალგაზრდა სტომატოლოგთა საერთაშორისო ფორუმის შესახებ შევიტყვე, რათქმაუნდა დიდი სიამოვნებით გადავწყვიტე მიმეღო მონაწილეობა, რამაც ძალიან დიდი გამოცდილება მომცა და გზა გამიხსნა მეცნიერული კვლევა-ძიების რთულ ლაბირინთებში.
თემაზე მუშაობის პროცესში ვეცნობოდი და ვამუშავებდი როგორც ქართველ, ასევე უცხოელ მეცნიერთა ნაშრომებს, ხოლო კვლევის შედეგებს ვუზიარებდი თემის ხელმძღვანელს, პროფესორ-მასწავლებლებს და ჩემს კოლეგებს, როგორც პირდაპირ ისე ონლიან რეჟიმში.
დასკვნის სახით გაცნობებთ, რომ ასეთი დონის ფორუმში მონაწილების მიღება დიდი პატივია როგორც ჩემთვის, ასევე თითოეული სტუდენტისა და რეზიდენტისათვის, რაც მათ, როგორც პროფესიონალებს, საჭირო უნარ-ჩვევებს ჩამოუყალიბებს და საშუალებას მისცემს მაღალ დონეზე დაეუფლონ და ჩაატარონ საჭირო, მნიშვნელოვანი სამეცნიერო კვლევები.
მადლობას ვუხდი სამეცნიერო-კვლევით ცენტრ Radix-ს 2021 წლის გამარჯვებულის სტატუსით მოწვევისთვის.
ბექარი კელენჯერიძე